FOR MY MASTER WITH LOVE----


hum kitne chote hai,

tumhare samaksh,

apni abhilashao or akaanshao ke saath.

hum kitne chote hai,

tumhare samaksh,

apni uljhano or dar ke saath.

hum kitne chote hai,

tumhare samaksh,

apni pyaar ke paribhashao ke saath.

raasto ke talash me,

manzil ka pataa dhundte,

andhero me bhatakte,

ujaalo ke talaash me,

hum kitne chote hai,

tumhare samaksh,

apni banayi paristithiyo ke saath.

chal to pade hai,

tumhare saath me,

apne nahi tumhare pyaar ke wishwas ke saath.

hum kitne chote hai,

tumhare samaksh,

ab bhi apne he nishkarsho ke saath.

dayaro me bandhe,

asmaan ke talaash me,

zameen se bandhe,

par udaan ke talaash me,

shabdo se bandhe,

par khamoshi ke talaash me,

bandhano me bandhe,

par pankh ke talaash me,

chal to pade hai,

tumhare saath,

tumhare he diye wishwaas ke saath.

hum kitne chote hai,

tumhare samaksh,

par tum ho jab saath,

hum kaha chote hai

"zindagi" ke samaksh,

tere hote hum hai samarth

------------------------------------Roohi